نفسـى أعرف مين مصمم رقصات الأفلام العربى بداية من القرن التمنتاشـر وحتى وقتنا هذا، حيث أن جميع الرقصات تتميز بتشـويح بالأيدين ورفس بالرجلين... فشـر عجين الفلاحة شـخصياً
والملفت للنظر إن المشـهد دايما يكون نهار خارجى مع القليل من الليل الداخلى وفجأءة و فى وسـط الشـارع المزدحم وبقدرة قادر يطلع الإخوه والأخوات الراقصون والراقصات من تحت طاءطييء الأرض، جوم مينين... الله أعلم؟ وبعدين يباشـروا فى الرفس والتشـويح فى جميع الاتجاهات
كنت قعده دلوقتى اتفرج على فيلم من العينة دى، الفبلم بطولة فنانة معتزلة (الحمدلله) و شـوية فنانين كدة نصهم مات والنص التانى على وشـك. والمهم، الفيلم عبارة عن رقصة طويلة جيداً ويتخللها بعض المشـاهد التمثيلية اللى ملهاش لزمة طبعاً وأكيد قصة الفيلم دى أخر حاجة نفكر فيها
بس اللى غيزنى بقى وفارسـنى إنى قدعت اتفرج على الفيلم لغاية ما خلص وكتبوا فى الأخر "البداية" يعنى على سـبيل التغيير
طيب أيه بس إللى زنأنى على الغولب ده، يالا... معلش عقلة تفوت ولاحد يموت
