حدث هذا الحديث بينى و بين إبنى (6 سـنوات) امبارح بعدما رجع من المدرسـة
هو: هوا صحيح يا مامى بكرة عيد ميلاد النبى؟
أنا: أيوه يا حبيبى
هو: طيب مش حنروح بقى نشـتريلو الهدية؟
أنا: لأ يا حبيبى، النبى (ص) مات خلاص بس إحنا علشـان بنحبه لسـة بنحتفل بعيد ميلاده حتى بعد ما مات
هو: هوا شـكله إيه النبى يا مامى
أنا: إحنا مانعرفش شـكله يا حبيبى
هو: يعنى شـكله زى ربنا؟
أنا: لأ يا حبيبى، شـكله راجل عادى بس إحنا منعرفش شـكله علشـان مات من زمان
هو: طيب هو لسـة سـايب فى بيته الطباخين؟
أنا: طباخين، طباخين ليه يا حبيبى؟
هو: علشـان يعملوا التورتة والجاتو بتوع عيد الميلاد
أنا (ضاحكة): لأ مافيش ولا تورتة ولا جاتو
هو (متعجباً): ولا تورتة ولا جاتو!!! أومال حنعمل إيه بكره بقى
أنا: كل واحد يقعد فى بيته ويقرأ شـوية قراّن
هو: يعنى يبقى إزاى عيد ميلاد من غير ولا تورتة ولا جاتو!!!؟
كل عام وأنتم بخير بمناسـبة عيد المولد النبوى الشـريف
